Folësit treguan më shumë rreth punës së Komunës deri më tani, projekteve të realizuara dhe ato të cilat planifikohen të realizohen në të ardhmen. Pas hapjes së diskutimit, pjesëmarrësit e sallonit ishin të interesuar të flasin më shumë rreth punësimit dhe rolin e komunës për rregullimin e kësaj çështjeje për qytetarët e saj. Zyrtarët komunal theksuan se komuna është duke bërë çmos për të rregulluar këtë çështje, duke bashkëpunuar me donatorë të ndryshëm në sigurimin e mbështetjes financiare për ndërmarrësit të cilët dëshirojnë të fillojnë ndonjë biznes të ri. Temë diskutimi ishin edhe krijimi i kushteve për investitorët e jashtëm, si dhe rritja e subvencioneve për bujqësi nga Komuna.

Ky sallon u organizua nga organizata partnere CDKD në kuadër të projektit “Pjesëmarrje e gjerë për qeverisje të mirë”, që implementohet nga instituti Demokraci për Zhvillim me mbështetje financiare nga Ambasada e Mbretërisë së Holandës.