Marrëdhënia në mes të kryetarit dhe anëtarëve të kuvendit është shumë e rëndësishme sepse lidershipi i mirë dhe marrëdhëniet e mira kontribuojnë në pjesëmarrjen efektive të anëtarëve të kuvendit në qeverisjen e mirë.

Roli kryesor i administratës është të mbështesë kryetarin e komunës në punën e tij. Kjo përfshin zbatimin e qëllimeve dhe strategjive të kryetarit, menaxhimin e ofrimit të shërbimeve komunale dhe ofrimin e këshillave dhe mbështetjes. Administrata mund të përmirësojë qeverisjen e mirë duke njohur dhe mbështetur obligimet ligjore.

Marrëdhëniet e qeverisë qendrore dhe komunës pasqyrojnë dinamikën e pushtetit horizontal dhe vertikal në mes njëra tjetrës  dhe pasojat që lidhen me autonominë dhe shkallën e diskrecionit që komuna gëzon nga kontrolli dhe drejtimi i qeverisë qendrore.